Larunbat goizean erronda egin zuten etxez etxe akordeoiarekin, eta ondoren, helduentzako jolasak. Musika arratsalde osoan zehar entzuten zen bitartean, mus txapelketa ospatu zuten. Herri-afariaren ostean, “DJ Hiru Hirukiak” eguna biribildu zuen.
Igande goizean, Larraungo Pilota Elkarteko neska-mutilen pilota partiduak jokatu ziren. Arratsaldean, Zuragai Herri Kirol Taldearen erakustaldia izan zen. Ondoren, mus txapelketaren finala ospatu zuten eta, amaitzeko, “Adri ta Ceci”-ren kontzertuarekin batera, aurtengo festak ere joan ziren.