Lehia estua espero zen proba konbinatuan, eta hala izan zen. Araxesek lehen txandan parez pare amaitu zuen Basaburuarekin, baina bigarren txandan aurreratzea lortu zuen. Azkenean, Basaburua gogor aritu zen, baina Araxesek lau segundoko aldeari eutsi zion eta txapela eskuratu zuen, 9 minutu eta 46 segundoko denborarekin.
Sokatiran, berriz, ustekabeko emaitza izan zen. Egindako lan bikainari esker, etxeko taldeak hirugarren postua lortu zuen, Andra Mari eta Basaburua taldeen atzetik.