Ezohiko deialdia 2025. urtean bakarrik gauzatuko da, eta lurraldeko hainbat eragileren aliantzek egituratutako, eraldatutako eta elkarlanean garatutako gizarte-berrikuntzako proposamenak bultzatzera bideratuta dago.
Programa hau hiru helburu estrategiko handiren inguruan egituratzen da:
- Lehenik eta behin, STEAM bokazioak sustatu nahi dira, herritarren interesa eta parte-hartze aktiboa piztuz, bereziki haurrena eta gazteena.
- Bigarrenik, Gipuzkoako herritarren artean arteen eta zientzien inguruko interesa, estimua eta jakin-mina sustatzen duten ekimenak bilatuko dira, eraldaketa eko-sozialekin lotutako gai garrantzitsuei buruzko ezagutza zabaldu dezaketeenak.
- Azkenik, Garrantzi berezia hartzen du 18. Garapen Jasangarrirako Helburua (GJHa) aktibatzeak, hizkuntza eta kultura guztien presentzia eta onarpena bermatzen baitu garapen pertsonal eta sozialerako ezinbesteko faktore gisa. Beraz, ongi etorriak izango dira berariaz hori sustatzen duten ekimenak.
Hainbat erakunderen arteko aliantzei zuzenduta dago deialdia, eta, besteak beste, hirugarren sektoreko erakundeak, administrazio publikoak, ikastetxeak, enpresak eta herritar antolatuak bildu daitezke.
Aldaketa kolektiborako inbertsio estrategikori dagokionez, Kutxa Fundazioak 3 milioi euro bideratuko ditu ezohiko deialdi honetara, aurkeztutako aurrekontuaren %80 emango die proposamen onuradunei, gutxienez 500.000 euro proposamen bakoitzeko. Deialdiaren aurrekontua agortu arte finantzatuko dira proposamenak, betiere Kutxa Fundazioak egokitzat jotzen duen kalitate-maila gainditzen badute.
Proposamenak aurkezteko epea maiatzaren 6ko 09:00etan irekiko da, eta irailaren 30eko 14:00ak arte egongo da aktibo. Eskabideak Kutxa Fundazioaren webgunean eskuragarri dagoen deialdien atariaren bidez aurkeztu beharko dira.
Deialdiaren oinarri guztiak hemen eskura daitezke: www.kutxafundazioa.eus