Ondoren, jaia berriro Gaintzara itzuliko da, eta elizaren atrioan jarriko duten tabernan jan-edanerako aukera izango da. Egunari amaiera emateko, bazkari herrikoia prestatuko dute Gaintzako Sonbelu Elkartean. Bazkarirako txartelak aldez aurretik erosi behar dira Arribeko Surtidorean: haurrentzako 12 euro eta helduentzako 20 euro.
Antolatzaileek ibilgailuz igotzeko aukera ere eskainiko dute, oinez igo ezin dutenentzako. Euskarazko azalpenak jarraitu ezin dituztenei zuzenduta berriz, aldibereko itzulpen zerbitzua egongo da t.me/araitzirratia Telegram kanala erabiliz. Horretarako mugikorra eta kaskoak beharko dira.
