Pasa den ostiralean Bittorik eta Joxemielek, Aranburugoitia anai-arrebek, bere lehen kirol saioa plazan aurkezteko parada izan zuten Azkaraten, Araizko herri-kirolariei egurra emateko prest iritsi ziren sakandarrak. Nahiz herri-kirol jatorriko familia batetik etorri, goi mailako kirolari izatearena ez dela berea argi geratu zitzaien Azkaraten elkartu ziren ikusleei. Hori bai, jendea barrez lehertzen jartzeko abilezia berezia dutela erakutsi zuten Lorenak eta Xabik.
Bailarako jendeaz gain, bazen clown-ekitaldi hau espresuki ikustera Larraundik, Lizartzatik, Tolosatik eta hurrunagotik ere etorri zenik. Izan ere, iaz Uztegin eskainitako "Jazina la Potra" eta duela bi urte Betelun eskainitako "Terapia" antzelanekin Lorena Arangoak bailaran eta inguruetan jarraitzaile taldea egina baitu.
Kale-ekitaldia amaitu ondoren, ikusleek sortzaileekin hitz egiteko eta zerbait jateko eta edateko aukera izan zuten. "Oinak hodeietan" jaialdiko eta Araizko Udaleko kide ziren antolatzaileak ekitaldiaren garapenarekin eta publikoaren asistentziarekin oso pozik geratu ziren. Hemendik bertaratutako guztiei eskerrak eman nahi izan dizkie.
Jendetsua izan da Azkarateko Aranburugoitiarren "herri-kirol saioa"
Aranburugoitia anai-arreba kirolarien paperean sartuta, Lorena Arangoa eta Xabi Artieda aktore sakandarrek eskaini zuten kale ikuskizunaz gozatu eta nahiko barre egiteko aukera izan zuten Azkaratera bertaratutakoek.
Argazkiak: Asier Arsuaga.