Pasa den ostegunean hasi zituzten festak eta egitarau ederra prestatua zuten herrikoek hurrengo lau egunetarako. Puska biltzea, herri krosa, mus txapelketa, esku-pilota partidak, txistulariak, meza eta bestelakoak izan zituzten. Horien artean, bertso jaialdia nabarmentzekoa izan zen; eta Maialen Lujanbio, Amets Arzallus, Eneko Lazkoz eta Onintza Enbeitiak bertso ederrak kantatu zituzten. Gai jartzailea, Julio Soto, etxeko bertsolaria izan zen.