Deskribapenen arabera, igaraba bat amuarraina ahoan zeramala ikusi zuten ibaian gora eta behera murgiltzen. Horrez gain, haren presentziari lotutako jarduera-seinale argiak atzeman dituzte. Beraz, igarabak Larraungo ibaira itzuli direla esan daiteke.
Bestalde, kastore europarra, mendeetan desagertuta egon ondoren, berriz ere agertu da ibarrean. Bere jardueraren seinaleak —batez ere zuhaitzetako karraskadurak— gero eta ohikoagoak dira ibaiertzean.
Kastore europarrak egindako zuhaitzetako karraskadurak. Argazkia: Ondare Kultur Taldea.
Larraungo bizilagun berri hauek, euren dike eta babesleku berezien bidez, hezegune berriak sortzen ari dira. Ondorioz, uraren kalitatea hobetzeaz gain, ibai-ekosistemaren biodibertsitatea sendotu eta aberastu dituzte.