Herritik eta herriarentzat egiten dugu lan, eta badakigu gure eskualdean ere badela zer kontatua. Edozein gai hartuta ere, gure aldizkarira eta irratira ekartzeko ahalegina egiten dugu. Eta dena euskaraz. Euskara delako MAILOPEren ernamuina.
Hala, urtean 50 euroren truke, hilean behin paperean eta egunero MAILOPE.EUSen sartzen ditugu irratsaioak, elkarrizketak, erreportajeak, albistetxoak, ikus-entzunezkoak... Eta bertan, gure herritarren istorioak dira hizpide. Bada hori guztia oparituko duzu MAILOPEren harpidetza oparituta.
Proposamena gustatzen bazaizu, bidali gure bazkidetza orrian azaltzen diren beharrezko datuak WhatsApp-en bidez 660476041 telefono zenbakira, edo info@mailope.eus helbide elektronikora, poz-pozik azalduko dizugu dena. Gainera, harpidetza oparituta, MAILOPEri zure babesa adieraziko diozu, eta hala egiteagatik, eskerrik asko aldez aurretik.
