Beteluko Udalak eskolako teilatuan paratutako eguzki-instalazioaren ezaugarriak azaldu zituen Arsuagak, baita instalazioak hornituko dituen kontsumo puntuak ere: eskola bera, udal eraikina, ostatua, ostatu gaineko etxebizitzak eta elkartea, besteak beste.
Saioan zehar, gainera, energia berriztagarri motak zerrendatu eta teknologia hauen alde onak eta mugak aztertu zituzten, eta erregai fosiletan oinarritutako sistemen eragozpenak ere jorratu zituzten. Ikasleek teknologiak alderatzeko aukera izan zuten, sortzen duten kutsadura, lehengaiak ustiatzeko modua eta horrek guztiak planetan eragiten duen aldaketa klimatikoa kontuan hartuz.
Ekimen honek bat egiten du Beteluko Udalak energia eredu jasangarriago baterako bidean egin duen apustuarekin.