Iragarrita zegoen eguraldiak ez zuen hutsik egin, eta probako lehen parte hartzaileak elur artean hasi ziren Iribaseko mendietan barna balizak aurkitzen. Eguraldia hobetzen joan ahala, ia 140 parte hartzaile hurbildu ziren, Larraungo iturburuaren inguruetan orientazioaren xarmaz gozatzeko. Nafarroako Kirol Elkarteak, hurrengo proba Aranzadin antolatuko du Maiatzaren 24an, eta berriro Lekunberri-Larraunera bueltatuko dira Azaroaren 1ean, Euskal Herriko Orientazio Kopa dela eta.