Eneritz Urkola (Araitz eta Beteluko berdintasun mahaia) elkarrizketatu dugu goizean irratian. Igande honetan Martxoak 8 Emakumearen Nazioarteko eguna da eta Araitz eta Betelun hainbat ekitaldi antolatu dituzte goizean zehar:

10:00 Emakume kalejira: Betelu, Gaintza, Uztegi, Atallu, Arribe

12:30 Kalejira-morea: Arribeko plazatik Beteluko plazara

13:30 Aperitiboa: Beteluko plazan

Iñigo Lasarte izan genuen atzo irratian bere azken lorpenaren berri ematen. Sailkapen orokorrean hirugarren postuan iritsi bazen, nafarren sailkapenean bigarren postua lortu zuen. Valtierrako XIV. duatloiean bere lehen parte hartzea izanik oso emaitza ona lortu duela esan zigun. Duatloiean Hiru-herri taldearekin parte hartu zuen baina Iñigo gurean ere oso presente dago. Alegia, bera ere Goiztiarrak Mendi Lasterkari taldeko kidea dugu ere. Hemendik aurrera haien berri emateaz ere arduratuko dugu Iñigo. Zorionak lorpenarengatik!

Maider Agirrebarrena (Beloki Mendia Gaztandegia) elkarrizketatu dugu ostiral arratsaldeko planaz galdetzeko. Bisita gidatua izateaz gain, gazten dastaketa eta sagardo dastaketa egiteko aukera izanen da. 

Amaia Govillar (Mendukilo) elkarrizketatu dugu igandean izanen duten esperientzia gastronomikoaren berri emateko. Dastaketa itsu-itsuan eginen dute kobazulo barnean. Izen emateak haien webgunean ere egin daitekeela esan digu. Toki gutxi geratzen dira, beraz azkar ibili.

Mendukilo: https://mendukilo.com/eu/plazaola-gastronomika-2/ 

Asteburu honetan "Plazaola Gastronomika", lau esperientzia gastronomiko antolatu dituzte baita gurean ere. Ostiral arratsaldean gazta dastaketa izanen da lehena Uztegin, Araitzen, Beloki Mendia Gaztandegian, Perkatzenea sagardoekin. Hurrengo goizean, 11:00tan Lekunberriko Maskaradan "Showcooking" Máximo Abete ardoekin. Eta igande goizean 12:00tan Mendukilon, Astitzen dastaketa itsu-itsuan Bikain Gaztak eta Perkatzenea zukuekin.

Maitena Ezkutari (Plazaola Partzuergo Turistikoa) elkarrizketatu dugu eguerdian irratian.

Izen emateak asteazkenarte dira, otsailak 25.

-Plazaolako turismo bulegoan.

-639418463 telefono zenbakian.

edo

-Izen emateko linka: https://docs.google.com/forms/d/e/1FAIpQLSe98y9sBwHqI0xgEADawnGD0eJN1OMQe1oZKcGRssnas0bXNw/viewform 

Eneritz Urkola (Berdintasun mahaia) elkarrizketatu dugu goizean bihar Araizko udaletxean eginen duten bilera irekia dela eta.

Otsailaren 24an 17:30ean Araizko Udaletxean elkartuko dira aurtengo Martxoak 8ko egitaraua eta urteko agenda feminista osatzen hasteko.

Gaizka Uharte, mendialdeko LAB idazkaria elkarrizketatu dugu goizean bihar eginen duten batzar irekiaren harira. Martxoaren 17an GREBA OROKORRA deitu dute hainbat sindikatuek.

Gaur arratsaldean Baraibarren eskalada tailerra eta zirkuito jolasak eskeiniko dituzte boulder aretoan. Entzun atzoko elkarrizketa Xabi Berasaluzerekin.

Guratz Azpiroz Beunzak lehen postua lortu zuen atzo Aibarko Trailean. Helmugara iritsi zen lehenengo emakumea izan zen 10,5 kilometroko ibilbidean, 1:01:06 denborarekin.

Berarekin hitz egin dugu gaur goizean.

Argazkia: (Hartua) JOSETXO

Iker Amarika (ITZULIA) elkarrizketatu dugu goizean Itzuliaren bigarren etapari buruz galdetzeko. Apirilaren 7an ITZULIA 2026 bigarren etapa IRUÑA-MENDUKILOKO KOBAZULOA izanen da. Hala izendatu dute aurtengo World Tour mailako txirrindulariak ekarriko dituen lasterketak. Zenbait izen ospetsu ikusiko ditugula aipatu dizkigu Ikerrek, etorkizunekoak ikusiko ditugula ere. Baita eguneko ordutegiak. Entzun elkarrizketa osorik.

Mattie Garaikoetxea Zubillaga izan dugu goizean irratian Araitz eta Beteluko etxebizitzen egoerari buruz hitz egiten. Gai honetan diarduen gazte taldearen ordezkari bezala etorri zaigu, egoera honi irtenbidea bilatu nahian baitabiltza bertako zenbait gaztek. 

Araizko udalak argitaratzen zituen datuak abiapuntu eta aste kulturalean gai honi buruzko hitzaldian elkartu zirenak oinarri bezala, egoera aztertzen ari direla esan digu, beste errealitate batzuk ezagutzen eta aurrera pausoak poliki-poliki ematen.

Hodei Lizarraga eta Iñigo Goikoetxea izan ditugu goizean irratian ostiralean eginen den bilera irekiaren berri ematen. Pediatra zerbitzurik gabe jarraitzen dute eta aurrera pausoak eman nahi dituzte egoera honi aurre egiteko. Deialdia eskualde osora zabaldu dute ez bakarrik Lekunberri, Larraun, Araitz eta Betelu kaltetzen dituen egoera baita hau. 

Ostiralean hilak 13 Lekunberriko udaletxean ("txiki-park") arratsaldeko 18:00tan izanen da.

Marta Barba (Cederna Garalur) elkarrizketatu dugu goizean saio irekien berri emateko. Ostiralean izanen da lehena Larraunen, Gabari gune irekina arratsaldeko 17:00tan. Hurrengoa gurean Araitzen izanen da otsailaren 27an udaletxean arratsaldeko 16:00tan.

Josune Zabala (Gizarte zerbitzuak) eta Mikel Cerezo (gizarte-hezitzailea eta adikzioetan aditua) elkarrizketatu ditugu arratsaldeko tailerra dela eta.

Gaur 16:30tan Ibarberri eskolan.

Juan Mari Irastorza zinegotzia izan dugu goizean irratian Mugikortasun lan taldearen bileraren berri ematera. Behin alde zaharreko obrak amaituta, orain ibilgailu motordunen sarbideak eta norabideak zehazteko garaia iritsi da. 

Otsailak 5, 18:00etan 

Lekunberriko Udaletxean.

Joxan Azpiroz "Goiko" Ttutturre Kirol Elkarteko lehendakaria, izan dugu goizean irratian Ttutturre egunaz hitz egiten. Igandean ospatuko dute Sakanako Mendizaleak elkarteko lagunekin batera. Irañetatik Oderitzera izanen da bidea eta Juanluzenea sagardotegian amaituko dute. Bazkaria han bertan izanen da. Buelta autobusez.

Gaur goizean irratian Iker Unanua (Teknoadineko) elkarrizketatu dugu martxan jarriko duten "Elkar Zaintzen" proiektuaren berri emateko. Taldea sortzea bada ere, ikastaroak eskeiniko dituzte. Taldearen proposamenak jasotzeko irekita daudela esan digu Ikerrek, bai eta beraiek proposatuko dituzten ikastaroak eskeiniko dituztela ere.

65 urtetik gorakoei bideratuta dago, Teknoadineko proiektuaren baitan zaintza, eguneroko bizitzan harremanak eta ongizatea lantzeko helburuarekin.

Izen-emateak zabalik dira jada:

- teknoadineko@garaian.eus

Informazio gehiago:

- Oihane (613 136 448) edo Idoiarekin (613 136 446)

Lerro burua hori bada ere, bihar arratsaldean (urtarrilaren 29an) euskeraren egoera Larraunen aztertzeko saio irekia eginen dutela ere ekarri digu Ainhoak. Gabari gune irekian izanen da arratsaldeko 18:30tan. 

Igandean IRABAZI ARTE! Denboraldi berriaren aurre estreinaldia eskeiniko dute Gabari Gune Irekian goizeko 12:00tan. 

Agate bezpera eta Lekunberriko ihoteen egitaraua aurkeztera etorri zaigu Aitor Perez Mangado kultur teknikaria.

Agate bezperaren kantu erronda otsailaren 4an abiatuko da arratsaldeko 18:00tan. Ondotik, Aldatz eta Etxarri herriak ere bisitatuko direlarik.

Lekunberriko ihoteak otsailaren 6an eta 7an ospatuko dira. Egitaraua ikusgai dago baita mozorro leihaketarako oinarriak eta bazkariko menu eta tiketak ere.

Epeak:

Bazkarirako txartelak erosteko azken eguna: urtarrilak 30.

Mozorro leihaketan parte hartzeko izen ematea epea: otsailaren 4 arte.

Hodei Buldain, Bingen Beguiristain eta Xabier Arrieta Beti Kozkorreko jokalariak deitu ditu Nafar selekzioak beste behin UEFA eskualdeen arteko txapelketan aurrera egiteko. Final laurdenak jokatuko dituzte naparrek lehen aldiz. Euskadi izanen dute aurrean, 2005an txapelketa hau lehen aldiz jokatzen zen garaian garaile atera zirenak.

Hodei elkarrizketatu dugu gure jokalarien ordezkari gisa, biharko partidari begira prest daudela historia idazten jarraitzeko esan digu besteak beste.

Nafarroa - Euskadi

San Miguel Zelaia (Agoitz)

18:00

“Frontoiak beteak ikustea kriston poza da” - Unai Laso Lizaso (Baikoko pilotaria).

Goizean Unai Laso izan dugu irratian. Binakako txapelketaz eta bere ibilbideaz aritu gara gaurkoan. Igandean Nafarroa Arenan arituko da Altuna - Ezkurdiaren aurka.

Entzun elkarrizketa osorik hemen.

Enrike Solinís izan dugu gaur goizean irratian “Xirribit” diska-liburu berria aurkezten. Berarekin batera, Miren Zeberiok ere parte hartu du "Euskelele" azken diska-liburuarekin egin zuten bezala. Juan Kruz Igerabide idazleak lagundu ditu ipuina idazten eta euskarri bezala, Irene Iruretaren ilustrazioek ipuina osatzen dute. 

Diska-liburua bada ere, kasu honetan CD fisikorik ez ateratzea erabaki dutela kontatu digu Enrikek, baina, jasotzen ari diren eskakizunak direla eta ideiaz aldatzeko garaiz daudela ere esan digu. Bitartean, ipuina laguntzen duten abestiak entzungai daude plataforma guztietan eta baita beren sare sozialetan.

Honetaz gain, Enrikeren azken bizipenetaz ere aritu gara besteak beste, Euskal Herriko Orkestra Barrokoaren sorrera eta datozen kontzertuak, baita ZETAK taldearen "Mitoaroa" ikuskizunean eginiko parte-hartzea. Hemendik ibili ziren musikari biak ikuskizuna prestatzen alegia, Azkaraten bizi baita Enrike, Tolosarekin tartekatuz.

Antolakuntzatik Beñat Barberena izan genuen Araitz eta Beteluko XIX. krossaren balorazioa egiten. Balorazio positiboa egiten dute, eguraldia bat etorri zen azkenean eta festa giroa izan zen nagusi goiz guztian zehar.

Arkaitz Goikoetxea Arriola, Lekunberriko alkateak, 2025 urtearen balorazioa egitera etorri zen atzo goizean irratira. Urtean zehar egindako obrak eta berriketak, batez ere alde zaharreko lanak, uraren digitalizazioa eta ur-partzuergoan izandako gertakariak.

Entzun elkarrizketa osorik hemen.

Martxoaren 23an gurera iritsiko da Korrika. Arratsaldeko 18:37 inguruan Madotzera iritsiko da Irurtzundik, portua igo eta gero, Larraunen sartuko da Korrika. 19:03tan Astitzera iritsiko da, Alli zeharkatu eta Lekunberrira jaitsiko da 19:36tan. Ordubete emanen du Lekunberri zeharkatzen, 20:34 Lezaetara iritsiko da. Zulora behera eginen du Korrikak eta 20:47tan Betelura sartuko da. Azken bi herriak, Arribe eta Atallu zeharkatu eta Lizartzara jarraituko du bere bidea Korrikak.

Astelehen eta asteartean Larraungo AEKn eta Araizko Udaletxean hurrenez hurren izanen dira aurkezpenak eta korrika batzordeen osaketak. 

Jone Gabari Satrustegi (Larraungo AEK).

Lontxo Zubillaga, Beteluko alkateak, 2025 urteari errepaso eta balorazioa egitera etorri da irratira. Balorazio positiboa egiten du, aurrera atera diren hainbat proiektu ekarri ditu, eskolako jantokiaren arrakasta adibidez. 2026 indartsu eta gootsu heltzen dio alkateak.

Entzun elkarrizketa osorik hemen.

Felipe Uriarte Camara mendizaleak, "Marmotarenak" autoekoitzitako ipuin ilustratua salgai du dagoeneko bai Betelun eta bai Lekunberrin ere. Liburuaren bueltan elkarrizketa egin dugu gaur goizean. Horretaz gain, beste hainbat kontuetaz aritu zaigu Felipe, besteak beste, Aralarrek ez diola inolako inbidiarik izan behar Himalaia bezalako mendilerro bateri.

Entzun elkarrizketa osorik hemen.

Inaxio Beguiristain izan dugu gaur goizean irratian. Martitxonea Sagardotegia prest da aurtengo denboraldiari aurre egiteko. 20 tona sagar bildu dituztela esan digu baita oso uzta ona atera dela ere.

Ostegun honetan Lekunberrin, Toki-Alai Sagardotegian izanen da Nafarroako sagardotegien irekiera.

Txotx eginen duen gonbidatu berezia Iker Vicente izanen da.

Aitor Perez Mangado, Larraun eta Lekunberriko kultur teknikaria izan dugu gaur goizean irratian. Gabonetako egitarauaren balorazioa egin digu. Positiboki baloratzen ditu Aitorrek, nahiz eta oraindik ez duten balorazio ofizialik egin. Jendearen parte-hartzea lortu dela aipatu digu baita Errege egunean eta Olentzero eta Mari Domingi etorri ziren kalejira egunetan ere.

Honetaz gain, ihoteak gainean ditugula ere aipatu digu.

Lekunberriko inauteriak otsailak 6 eta 7 ospatuko direla ere esan digu.

Hauei begira, bihar, hilak 13 arratsaldeko 18:00-tan Lekunberriko Udaletxeko batzar aretoan bilera irekia eginen dute ideiak, proposamenak eta antolaketa lantzen hasteko. Denak bertaratzera eta parte-hartzera animatu gaitu.

Inauterien denboraldiari hasiera emanen diote Uitzi herrian. Uitziko ihoteak ospatuko dituzte asteburu honetan zehar. Eider Martirena elkarrizketatu dugu irratian gaur goizean. Ihoteen jatorriaz, historian egondako aldaketak eta asteburu honen egitaraua ekarri dizkigu. 

Entzun elkarrizketa osorik hemen.

Beñat Barberena (Kirolmank) izan dugu gaurkoan Araitz-Beteluko XIX. krossaren berri ematen.

Ilbeltzaren 18an izanen da. Izen emateak oraindik zabalik daudelarik. Bide batez, Lekunberrin martxan jarriko duten emakumezkoen korrika talde berria ere iragarri digu.

Izen emateak: https://web.rockthesport.com/eu/event/araitz-beteluko-xix-krossa

Perkatzenea Sagardotegiak urtarrilaren 17an 2026ko txotx irekiera egingo du. Irekiera Aizu! taldeak eginen du bigarren urtez. Bazkal ostean, kontzertua eskeiniko dute. Ioseba Rubio izan dugu irratian irekieraz, sagardotegiaren jatorriaz eta beste hainbat kontuetaz hitz egiten. 

Perkatzenea Sagardotegia gainera, Aralar Irratian egunero entzungo dugun lehenengo iragarkia izango da.

Sagardotegia urtarriletik abuztua bitarte irekita izanen dute.

Erreserbak egiteko:

https://perkatzenea.eus/contacto/

Gaur arratsaldean Eskalada rokodromoan eta zirkuito-jolasak eginen dituzte Baraibarren, Beigorri Abenturak antolaturik. Bertako kide den Xabi Berasaluze izan dugu irratian. Zer den bertan izanen duguna eta joanez gero, zer eraman beharko dugun.

Izen emateak Baraibarko frontoian izanen dira momentuan bertan.

Adin guztietarako proposamena izanen da.

17:30-19:30 Baraibarko rokodromoa.

Abenduaren 28an, Jayan Jai pilotalekuan Gazako herritarren aldeko pilota jaialdia eginen dute. Hiru partida izanen dira lau t'erdikoa, buruz-burukoa eta binakakoa. Lehen partida 17:00-tan hasiko da. Sarrerak 5 euroren truke, txarteldegia 16:00-tan irekiko delarik.

Larraungo talde internazionalistak antolatutako ekimen bat bada ere, ez daude bakarrik. Salam Gaza Nafarroa laguntzaile izanen dute., jasotako dirua kudeatu eta Gazara bidaltzeko. 2000 euro biltzea dute helburu, hau da, 100 familientzako egun bateko elikadura.

Aingeru Mimenza (Euskalgintzaren Kontseilua) elkarrizketatu dugu gaurkoan irratian. Abenduaren 27a data garrantzitsua izango da euskaltzale guztiontzat. Euskaltzaleon komunitate sentimendua sendotu eta arnasa kolektibo bat izango da, Pizkunde berri baten premia irudikatzeko momentu sinboliko bezain garrantzitsua. Eta Pizkunde horretarako bidean etorriko diren beste mobilizazio batzuen abiaburu. Euskararen etorkizuna jokoan dagoen honetan, euskaltzaleon garaia da. Biltzekoa. Elkarrekin arnasa hartzekoa.

Abenduaren 27an 17:00 Bilbo Arenan.

https://pizkundea.eus/

SARRERAK HEMEN EROSI

Larraungo Haziak eta Riskitin abesbatzak bat eginen dute abenduaren 24an Larraungo herriak kantuz girotzeko goizean zehar. Goizeko 9:30-tan topaketa eginen dute Lekunberriko frontoian. Bertan antolatu eta kotxez igoko dira Alli, Oderitz eta Astitz herrietara. Azken honetan amaituko dute, 13:00-tan bazkaria eginen dutelarik Astitzko aterpean.

Euskal Timber Txapelketaren finala ospatu zuten joan den asteburuan Zarautzko Aritzbatalde frontoian. Bertan izan zen Arribeko aizkolaria, laugarren postua lortzen zuelarik Dani Vicente arerio izan zuen azken parte-hartzean.

Txapelketa Julen Kañamaresen aurka hasten zuen, galdu egin bazuen ere, Kañamares txapelketatik kanpo uzten akatsa egin baitzuen, Soroak aurrera egiten zuen. Hurrengoa Xabier Zaldua izan zuen arerio eta azken-aurrekoa Julen Alberdi "Txikia". Azkenekoan Dani Vicenterekin lehiatu zen 3. eta 4. postuagatik.

Vicente aitak 3'04"-tan amaitzen zituen lanak, soroak 15 segundu gehiago behar izan zituelarik (3'19").

Joan den asteburuak askorako eman zion Ibairi alegia, bere lehen apostua adostu bai zuen Zalduarekin Martxoak 7 Tolosako Zezen plazan. 4 oinbiko eta 10 kanaerdiko adostu zituzten aizkolariek.

Polemika egon bazen ere, naturaltasunez egin zutela kontatu digu Ibaiek.

Goizero bezala, solasaldia egiten dugu Aralar irratiak, Karrape eta Guaixe irratiko kideekin. Joan den egunean Oihan Ekiza izan genuen gurean ASKE jaialdiari buruz hitz egiten. Entzun hemen denon artean egindako elkarrizketa. 

Txandak betetzera dei egin du Oihanek bai eta sarrerak erostera jaialdira joateko.

Informazio guztia ASKE jaialdiaren webgunean: https://askejaialdia.eus/

Arribeko aizkolariak bihar izanen du Euskal Timber txapelketa berriaren finala Zarautzen. Txapelketa Stihl Timbersports-en lehiaketak bezalakoa izanen da, zehazki, trophy formatua. Stihil nekazaritzako makina eta tresnen enpresa bat da, eta lehiaketako motozerrak marka horretakoak izango dira. Timberrek, berriz, egurra esan nahi du ingelesez.

Parte-hartzaileek 40 zentimetroko diametroa duen enbor bat motozerra batekin zatitu beharko dute; ondoren, 30 zentimetroko diametroa duen enbor horizontal bat aizkorarekin; eta, ondoren, lehen enborrera itzuliko dira zerrarekin ebaki bat egiteko. Azkenik, lehiakideek aizkora hartuko dute berriro 30 zentimetroko egurra formatu bertikalean mozteko.

Euskal Timber finala - Aritzbatalde frontoian (Zarautz)

18:00

Gabonak Araxes Ikas Komunitatean ospatuko dituzte bihar goizean Betelun. Honen berri ematera Miryam Albisu, Araxes HLHIP irakaslea, etorri zaigu gaur goizean irratira. Araxes Ikas Komunitateko Festa Batzorde mistoak egitarau oparoa prestatu duela kontatu digu. Baita ikastetxean irratia badutela ere.

Ttutturre Kirol Elkarteko junta berriko lehendakaria elkarrizketatu dugu gaur irratian, Joxan Azpiroz "Goiko". Kide aski ezaguna da elkartean eta ongi lagunduta izango dela esan digu. Urteko azken irteeraren berri eman digu baita datorren urteko zenbait irteera ere aurreratu dizkigu. Igande honetan Nafarroako Mendi Federazioak antolatua, "Mendigoizale Eguna" ospatuko dute Aralarren.

Hemendik aurrera, Ttutturre Kirol Elkartearen berri ematera etorriko zaigula esan digu Joxanek.

Igor de Castro (Martillo Txiki) etorri zaigu gaurkoan irratira. Bai Lekunberriko ikasleak zein Hernanin dituen ikasleek parte hartuko dute ostiraleko kontzertuan. Arratsalde osoko egitaraua prestatu dute denen artean, musika eskaintza zabala izango delarik.

Martillo Txiki Perkusio Eskolaren kontzertua.

Rocopolis (Berrioplano) - 17:15

Gaur arratsaldean Larraungo Printzan "Muxutruk" eginen dute 17:00-tatik aurrera. Arropa, jostailuak, etab. hartzeko une aproposa dela esaten digu Garazi Morenok, Printzako kideak. Muxutruk dioten bezala, edozein hurbildu daiteke eta bertan dagona hartu. Arropa mota ezberdinak, oinetakoak, jostailuak, mahai-jolasak, bizikletak etab. 

Ikusi bideoa hemen: https://www.instagram.com/reel/DR-RFyGjLd_/?utm_source=ig_web_copy_link&igsh=MzRlODBiNWFlZA==

Nerabeentzako parkour tailerra eskeiniko dute larunbatean Atallun.

Isaac Duarte Soto, IruñADD elkarteko kidea izan dugu honen berri emateko.

Izena eman Euskara Zerbitzuan: larbeleareuskaraz@iparmank.eus

Larraun eta Lekunberriko Gabonetako egitaraua aurkeztera etorri zaigu Aitor Perez, kultur teknikaria. Bihar hasiera emanen diote egitarauari argien piztutzearekin. Bolondresen balioa goraipatu du baita udal eta eragileen arteko elkarlana ere. Bide batez, Larraungo Kultur Mahaia martxan dela oroitarazi digu edozeinek parte hartu dezakegularik. Dei egin du herritarrek parte hartzera, beraz hau irakurtzen ari zaren hori, animatu zaitez Larraungo Kultur Mahaian parte hartzera.

Gabonetako argi lehiaketa martxan jarri dutela ere esan digu. Etxebizitzak, etxeak eta saltokiak hiru kategorietan banaturik sari dotoreekin kategoria bakoitzean. Informazio guztia hemen: https://www.lekunberri.eus/lekunberrik-2025-2026ko-gabonetako-argi-lehiaketa-jarri-du-abian/

Jaiotzez gorrak diren bi pertsonek (Joxe Enrike Zeberio eta Itziar Agirrebarrena) Marokon egiten duten furgoneta-bidaia kontatzen du dokumentalak.

Josu Iztueta Azkue elkarrizketatu dugu, dokumental honen ekoizleetako bat. 

abenduak 12, 19:00

Uztegi, Araitz.

 "Mikel Zabalza Gogoan" autobusak Iruñean eginen du geldialdia abenduaren 7 arte

Joseba Amatria, plataformako kidea eta Mikelen senidea da ere. Goizean berarekin hitz egin du egitasmoa inguratzen dituen kontuei buruz. Musika, omenaldia eta nola ez, autobusaren biraz eta abenduaren 14ean Donostin eginen dioten ekitaldi nagusiari buruz. Bulebarren izanen da goizeko 12:30-tan.

Entzun elkarrizketa osorik hemen.

Asteburuan Nafarroak lehen aldiz UEFA eskualde kopako final laurdenetarako pasea lortu zuten Agoitzen. Bertan, taldeko jokalariak izan ziren ere Beti Kozkorreko hiru jokalariak: Bingen Begiristain, Xabi Arrieta eta Hodei Buldain. Azken honekin hitz egin dugu gaurkoan, bi partidak osorik jokatu baitzituen atea ongi babestuz, golik ez baitzioten sartu. 

Final laurdenak urtarrilaren 28 inguruan jokatuko direla badakite baina ez noren kontra. Hilabete bukaeran jakinen dute zein izanen den haien arerio, partida bakarra jokatuko dutelarik final erdietara aurrera egin ahal izateko.

Entzun elkarrizketa osorik.

Ainhoa Beraza (Euskara Batzordea) etorri zaigu gaur goizean irratira Euskararen Eguna eta Araitz-Beteluko Kulturaldiaren berri ematera. Egitarau betea izanen dugu datozen egunetan bai Larraunen bai Araitz-Betelun ere.

Entzun elkarrizketa osorik.

Azaroaren 18tik 30era Exotic in Itinere erakusketa eginen dute Plazaolako Geltokian, espezie inbaditzaileen ingurua eta bereziki Panpako lezka landarearen inguruan. Horren harira, azaroaren 22an, goizeko 11:30ean hitzaldia eta proiekzio bat eskainiko dituzte. Iñaki Aldatzekin hitz egin dugu gaur goizean.

Gaurkoan Eneritz Urkola Agirrezabalarekin hitz egin dugu igandean Arriben izanen duten bertso saio literarioari buruz. Eneritz, Araitz eta Beteluko berdintasun mahaieko kidea da eta haiek dira saio honen antolatzaileak.

Igandean azaroak 23 arratsaldeko 18:00-tan.

Bertsolariak: Nerea Ibarzabal eta Uxue Alberdi.

Gai-jartzailea: Miren Amuriza. 

Musikariak: Miren Narbaiza 'MICE'.

Antolatzaileak: Araitz eta Beteluko Berdintasun Mahaia. 

“Denon erantzunkizuna da nerabeek geroz eta beranduago mugikorra erabiltzen hastea”. Esaten zigun Telmo Lazkanok gaurkoan. Bera Altxa Burua sareko kidea da. Gipuzkoan nerabeek duten telefono mugikorren erabilera aztertu eta esku-hartzen duen mugimendua da. Nerbeen osasun mentalaz hitz egiten duten bi liburu idatzi ditu ere: "Nerabeen garrasia - osasun mentala aldaketa garaian" (2024) eta "Semillas de libertad - las leyes naturales de la infancia y la adolescencia" (2025)

Asteartea (Bihar) Beteluko udaletxean egonen da "Nerabeak eta mugikorra" hitzaldiarekin.

Arratsaldeko 17:30-tan.

Larunbatean "Euskaraz Bai!" eginen dute Uitzin. GAUR da izen emateko azken eguna. Arratsaldeko 17:00-tan hasiko dira gabonetako apaingarriak egiten. Ana (PAUMA) izan dugu goizean irratian honen berri ematen. QR bidez edota email bat bidaliz ere izen eman daiteke gaur azken eguna delarik.

Gaurkoan Garazi Erburu Irigoien (Hiruki Filmak) elkarrizketatu dugu "Ziarraize" filmaren berri emateko. Aurizberrin sortutako filma bat da, baina batez ere, beren biztanleek sortutako filma dela esan beharra dago. Zuzentzen eta gidatzen aritu dira Hiruki Filmak kideak, haien artean Garazi. Larunbatean gurean izanen da ere, proiekzioa eta gero solasaldia izango baitugu. 

Landa-eremuko emakumeak zine zikloaren baitan egin da larunbatekoa.

Gabari Gune Irekia (Larraungo udala)

18:00

Gaurkoan Javier Irigoien Ondarea kultur taldetik etorri zaigu izan duten azken aurkikuntzaren berri ematera. Elur zulo bat aurkitu dute Aldatzen. Otsailean hasi ziren lurra kentzen eta gaur egun lau metroko paretak dituen elur zuloa desestali dute. Aranzadirekin elkarlanean hasi dira orain, zuloaren jatorriaz jabetzeko eta baita balorean jartzeko ere.

Gaurkoan gure beste finalistarekin egon gara: Ibai Soroa. Berarekin batera, Txomin Amundarain ere arituko da finalean. Bi arribetarrekin hitz egin dugu jada ostiral honetako finalaz. Sarrerak egunean bertan salgai finala aurretik Doneztebeko pilotalekuan egonen dira.

Celia Fañanás Lopez (TDiferencia) aktoresa elkarrizketatu dugu gaur goizean, ostiralean Baraibarren eskeiniko duen antzerki-bakarrizketa dela eta. Azaroak 14, arratsaldeko 19:00-tan. Baraibar. Herriko etxea.

Laburpena:
'Gizon batzuek diote jada ez dakitela emakumeak nola tratatu'. Aktoreak interpretatzen duen Pandora pertsonaiak zabalduko du erantzunen kutxa: lekzio magistrala, barregarria eta batzuetan zentzugabea emango du, pertsona horiei zalantza guztiak argitzen laguntzeko. Baliteke gizon batzuek harremanetarako trebetasunen galera sentitzea, Pandorak konpontzen lagunduko duena. “Barre egiteak, ikasteak eta partekatzeak eraldatu egiten gaitu, gure bizitzak aberasten dituzten eta komunitatean hazten laguntzen diguten loturak sortuz.

Burutik taldeak diska berria kaleratu du "Ipuinak" izenpean. Zazpi abesti berriek osatzen dute diska, haien artean Amparo Arangoari eginiko Fermin Balentziaren bertsioa ere. Diskaren sortze prozesuaz, abestien inguruan eta aurkezpen kontzertu akustiko solastuei buruz hitz egin dugu ere.

Asteburu honetan, Leitzan izanen dira ostiralean Torrea tabernan arratsaldeko 20:30.

Larunbatean Iruñan, Laban arratsaldeko 18:00.

Entzun elkarrizketa osorik hemen.

Gaurkoan gure aizkolari finalistetako batekin hitz egin dugu: Txomin Amundarain. Berarekin batera, Ibai Soroa ere arituko da finalean. Bi arribetarrekin hitz eginen dugu ostiralen honetako finalaz. Bihar Ibairekin hitz eginen dugu. Sarrerak egunean bertan salgai finala aurretik Doneztebeko pilotalekuan.

2025eko azaroaren 14an Doneztebeko Ezkurra Pilotalekuan, arratsaldeko 18:00tan.

NAFARROAKO I. MAILAKO AIZKORA TXAPELKETAREN FINALA 

Parte hartzaileak:

– Iker Vicente (Otsagi)

– Ibai Soroa (Arribe)

– Oier Kañamares (Arostegi)

– Txomin Amundarain (Arribe)

– Julen Kañamares (Arostegi)

Aizkolari bakoitzak moztu beharreko enborrak: Lau kanaerdiko, lau 60 ontzako eta bi oinbiko.

Gaur goizean Julio Soto Ezkurdia gorritiarrarekin hitz egin dugu, Leitzan joandako finalerdietaz, datorren finalaz eta beste zenbait kontuetaz mintzatu gara berarekin. Azaroaren 29an Nafarroa Arenan ospatuko da Nafarroako bertsolari txapelketaren finala arratsaldeko 17:00-tan. Gogotsu dagoela bertan egoteko, ikusle bezala egon baita pilota partiduetan. Oraingoan finalista bezala. Entzun elkarrizketa osorik hemen.

Euskal Herriko Gazte Feministen topaketak ospatu zituzten joan den asteburuan Zaldibarren. 800 lagunetik gora elkartu ziren bertan eta oso balorazio positiboa egin dute gazte feministek. Bertan, hitzaldiak, mahai-inguruak, solasaldiak eta baita aisialdirako astia izan dute ere. Honen berri ematera etorri zaigu Lide Arrieta (EH Gazte Feministak). Entzun elkarrizketa osorik hemen.

Aintzane Ariztegi Barrenetxerekin hitz egin dugu gaur goizean. Bera Errigorako komunikazio arduraduna da eta kanpainaren nondik norakoaz hitz egin digu. Astebete falta da saskia eskatzeko epea amaitzeko, beraz garaiz zaudete oraindik zuena eskatzeko. Hiru aukera saski dituzue hiru prezio ezberdinekin. Saskien irabazitakoaren %25-a, Nafarroako hego eta erdialdean euskarari ekarpena egiten dioten eragileentzat izanen da: Agerraldia, AEK, Ikastolak eta Sortzen.

Web orrian saskia eskatu daiteke: https://www.errigora.eus/index.php/es

Interneten bidez eskatu ezinez gero, gure kasuan Lekunberriko AEK euskaltegian ere eskatu dezakegu. Egin zure ekarpena Errigorari.

Asteburu honetan Gaintzako festak ospatuko dituzte. Honi buruz hitz egitera etorri zaigu Beñat Pellejero Ayestaran. Ostiralean hasiera emanen diote festei, asteburu osoko egitarauarekin. Asteartean, San Martin eguna ospatzeko ere jai eguna izanen dute herrian. 

Entzun elkarrizketa osorik hemen.

Gaurkoan Mikel Betelu Gorostegi izan dugu irratian. Lekunberriko udalaren zinegotzia izateaz gain, Ertzila ur patzuergoko lehendakaria ere bada. Bombarekin izandako gertakaria, gaur egungo egoera eta datozen zenbait aldaketen berri eman digu. Entzun elkarrizketa osorik.

Joan den irailaren 26an Mailope aldizkaria Betelu Araxes eskolan izan zen kazetaritza tailerra eskaintzen. Bertan, gaur egungo langilea den Irati Moreno eta langile ohia den Ane Ubegun Goikoetxea egon ziren. Azken honekin hitz egin dugu gaur goizean irratian, ikasle ohia bada ere, zuzendaritza eta erredakzio taldean parte hartzen jarraitzen du gaur egun.

Tailerrean egindakoaz eta balorazioaz hitz egin digu. Mailopek positiboki baloratu du tailerra baita eskolak ere. Honek ikasleei jakinmina piztea du helburu baita kazetaritzan ere. Nafarpresek antolatutako lehiaketan parte hartu zuten zenbait ikasleek, seinale positiboa.

Gaurkoan Latasako Biltegiaren irekierari buruz aritu gara Stanislava Tsankova Karalievarekin. Mugiroko ostatuan egoteaz gain, salto egin du familiak Biltegia hartzera ere. Jada bi urte dira saiakerak egiten hasi zirenetik eta hilabete daramate ireki zutenetik. Toki berezian kokatuta dago, alegia Plazaolako bide berde bazterrean, aintzin tren-geltoki zaharra izan zelarik. Eskaintza zabala izanen dute orain asteburuetan bakarrik, baita jai egunetan ere: bazkariak, afariak, plater konbinatuak, pintxoak, gozoak besteak beste. Hostalaritza eskaintzaz gain, kultur areto bezala erabiltzea dute asmoa. 

Ordutegia:

Ostirala-Larunbata: 10:00 – 22:00
Igandea: 10:00 – 20:00

Aurten 25 urte bete dira Errazkinen zikiro jatea egiten hasi zirenetik festen baitan. Jon Oreja izan dugu gaur goizean irratian honi buruz hitz egiten. Bera egungo sukaldaria da, baina ez da bakarra. Bere hitzetan, auzolanean aurrera ateratzen den ekimen bat da, belaunaldi ezberdinen arteko elkarlanarekin. Leitzar talde baten laguntzarekin hasi ziren orain mende laurdena eta hiru urte dira jada herrikideek laguntzarik gabe prestatzen hasi zirela. Zikiroak duen garrantziaz eta honek inguratzen duen inguruan aritu gara goizean irratian.

Entzun elkarrizketa osorik hemen.

Asier Murillo Martinez de Lizarrondo judoka elkarrizketatu dugu gaurkoan Aralar Irratian. Mexikotik etorri berri da, Guadalajaran mundu mailako azken Grand Prix txapelketan parte hartu baitu. Ez da oso pozik bueltatu, goixorik joan behar izan zuelako aurretik Malagan beste txapelketa batean parte hartu eta gero. Honek ez dio jarraitzeko gogorik kendu, alegia, bere hurrengo helburua Espainiako txapelketan urrezko domina irabaztea baita. Ongi badaki zer den podiora igotzea jada bi brontze irabazi dituelako La Nucia European Open aurtengo maiatzan eta Malaga Senior European kopan. Baita zilarra irabazi duela nazio txapelketan aipatu digu, nola urrea ere unibertsitate arteko txapelketan.

Asier elkarrizketatzearen arrazoia Lekunberri KE judo entrenatzailea delako da. Honetaz gain bere ibilbideari buruz eta kirolaren zailtasunaz ere hitz egin dugu, adibidez pisua jaistean, berak 60 kilo azpiko kategorian parte hartzen baituelako. Judoaren onuraz ere hitz egin digu Asierrek, baita datozen erronkei buruz. Sare sozialetan duen presentziaz ere, tik-token adibidez 15 mila jarraitzaile baino…

Amaia Govillar Arza etorri zaigu gaurkoan irratira honen berri emateko eta merezitako sariarengatik zoriondua izateko ere. Amaiak goraipatu du hogei urte hauetan egindako lana, baina ez dela bakarrik egon aipatu digu: Miren Larburu eta Rakel Navarro ere sari honen irabazleak direla esan digu, baita haiekin lanean hasi berri den Lore Azpirotz ere gogoan izan du.

Saria Miras de Aire kobaren barruan eman zen, Koba Turistikoen Lehen Jardunaldi Lusitaniarren baitan, non Espainiako eta munduko koba turistikoen ordezkariak bildu baitziren, ISCA (International Show Caves Association) elkarteak gonbidatuta.

Saria Manuel Durán, ACTEko lehendakariak, eman zuen; ISCAko presidentea, George Veni (Austria), arduratu zen insignia ofiziala jartzeaz. ACTEko idazkari Oviedo Gonzálezek irakurri zuen aktaren edukia.

Amaia Govillar Arzak, kobako gidari eta kudeaketako arduradunetako batek, aurkeztu zuen Mendukiloren hautagaitza, eta ACTEko epaimahaiaren aho bateko babesa jaso zuen. Bere lana, “20 urteko praktika onak: jasangarritasunean, kontserbazioan eta ingurumen-hezkuntzan” izenburupean, kudeaketa integrala, ingurumenarekiko errespetua eta komunitatearekiko konpromisoa uztartzen…

Ttutturre kirol elkarteak igandean egin zuen irteera. Lizaratik Gabarditora egin zuten ibilbidea, batzuk ibilbidea luzatu zuten Bisaurin igoaz. Besteak Gabarditoko aterpetxean itxoiten zituzten bitartean, ibilbide motza egin zutelarik. Irteeraren berri izateko Idoia Igoa izan dugu gaurkoan irratian. Hurrengo irteera Larrunera eginen dute hilaren azken igandean.

Entzun elkarrizketa osorik hemen.

Araizko Zaporeak 9. feria ospatu zuten igandean Arriben. Honi buruz informazio gehiago izateko Maider Agirrebarrena Beldarrain izan dugu gaurkoan irratian. Kasu honetan, eguraldia ez zen bat etorri eta frontoian ospatu behar izan zuten azoka. Horrek ez zuen eraginik izan bertaratu zirenen umorean eta giro onean igaro zirela esan digu Maiderrek. Eskaintza zabala izan zuten eta batez ere, gazteen presentzia. Zeinak animatu nahi dituzten lan-taldean sartzeko eta parte-hartzeko.

Entzun elkarrizketa osorik hemen.

Sagardogintzaren bigarren jardunaldia ospatu zuten larunbatean Aldatzen. Honen berri izateko Javier Irigoien izan dugu gaurkoan irratian. Eguraldiak errespetatu egin zituen eta kalean ospatu ahal izan zuten goiz osoko egitaraua. Auzolanari garrantzia eman diote eta positiboki baloratu dute antolatzaileek egondako giroa eta batez ere, jendearen parte-hartzea. Laster kaleratuko duten bideo bat grabatzen egon ziren ere, aurreko larunbatean grabatzen hasi zirenak.

Entzun elkarrizketa osorik hemen.

Igandean Araizko Zaporeak 9. feria ospatuko dute Arriben. Honi buruz eta baita atzoko mahai inguruari buruz aritu gara Maider Agirrebarrena Beldarrainekin. Bera lan taldearen partaidea da eta egun honen nondik norakoak kontatu dizkigu. Baita Habelarteren kidea da eta atzoko mahai-inguruaren berri izan dugu ere. 

Entzun elkarrizketa osorik hemen.

Gaurkoan Lorea Zulet elkarrizketatu dugu irratian. Bera Lekunberriko Kirol Elkarteko Disc-Golf taldeko partaidea da. Lekunberriko festak ospatzen ziren bitartean, bera eta bere senarra Rafa Sarriegui, Espainiako XIII. Disc-Golf txapelketan parte hartu zuten. Bertan Rafak, 3. postua lortzen zuen podiumera igotzen. Lorearen kasuan, parte-hartzera animatu zen baina txapelketa bertan utzi behar izan zuen haurdun zegoelarik parte hartzera joan zelako.

Hurrengo asteburuan urriak 31, azaroak 1 eta 2 Euskal Herriko Gazte Feministen Baterajotzea ospatuko dute Zaldibarren. Honen berri informazio gehiago eskuratzeko bertako kide den Lide Arrieta elkarrizketatu dugu. Egitarauari begiratu diogu, bai feminismoa lantzeko hitzaldiak eta mahai-inguruak izanen dituztela zein aisiaz disfrutatzeko aukera ere izanen dute. "Feminismoa Lubaki" lelopean ospatuko dituzte baterajotzeak.

Programazioa osorik: https://www.instagram.com/p/DOgNSZ_DL-1/?utm_source=ig_web_copy_link&igsh=MXB3bHAyNDdjdWc3cg==

Izen emateak link honetan: https://entradium.com/events/euskal-herriko-gazte-feministon-baterajotzea?fbclid=PAZXh0bgNhZW0CMTEAAafCEFEZ1I8iMRmmFDEG42RQc_hpIOBy5j_Q4Lubvg6eyJ_9OISqXcie77ACjw_aem_0Y28eNFwCinn83hR5Yjk7g

Entzun elkarrizketa osorik hemen.

Gaurkoan gonbidatu berezi bat ekarri dugu Aralar Irratira. Aner Ansorena bere "etxea" izandakora bueltatu egin da baina oraingoan elkarrizketatua izatera. Besteak beste, zoriontzeko ere ekarri dugu irratira. AEB-tatik bigarren sari bat jaso duelako oraingoan, "Aholkulari errebelazio" saria delarik. "Napolitan" sari hauek joan den urtean beste sari bat eman zioten "Komunikazio politikoan lidergo gaztea" izateagatik.

Bere ibilbidearen errepaso bat egin dugu, Aralar Irratian hasi baitzuen bere bidea hiru urteetan zehar uda garaian. Gerora LekunberriTV sortu zuen eta ikasketa garaian, zinemagintza ikasi zuelarik euskarazko lehen web-seriea sortu zutela ere aipatu du: "Deus ez da perfektua".

HAUDA Komunikazioa enpresa sortu zuenetik, komunikazio politikoan dabil buru-belarri bai beregana datozen bezeroak aholkatzen eta baita komunikabideetan parte-hartzeak eginez hala nola ETB, EiTBn eta baita egunkarietan ere, Berria edo Diario de Noticias bezalakoak.

Honi buruz eta beste zeinbat gaiei buruz hitz egin dugu gaurkoan. Entzun elkarrizketa osorik hemen.

Ttutturre kirol elkarteak igandean eginen du irteera. Bi ibilbide (motza eta luzea) egiteko aukera eskeintzen dute. Izen ematea ostegunarte: ttutturrekirolelkartea@gmail.com

Gaurkoan Idoia Igoa elkarrizketatu dugu igande honetako irteeraren berri izateko. Entzun elkarrizketa osorik hemen.

Hemen duzue ere Ttutturrek zabaldu duen mezua informazio osagarriarekin.

Jon Ander Unanua Iraola elkarrizketatu dugu gaurkoan irratian. Aurten SD Logroñes taldeko bigarren entrenatzaile eta prestatzaile fisiko lanetan ibiliko da. Taldeak dituen erronkei buruz, berak egindako ibilbideari buruz eta bere etorkizunari buruz hitz egin dugu gaurkoan.

Larunbata honetan bigarren eguna ospatuko dute goiz osoko egitarauarekin

10:00 Kalejira

10:30 Kirikoketa

11:00 Sagardogintza

13:00 Txalaparta, Aldapeko eta Sagar dantza

Javier Irigoien (Ondare Kultur Taldea) elkarrizketatu dugu honen berri izateko.
Entzun elkarrizketa osorik hemen:

Larunbatean sagar bilketa eginen dutela kontatu digu Javier Irigoienek Ondarea kultur taldearen partetik. Beraiekin batera Lekunberriko Txalapartariek ere parte hartuko dute. Bertara hurbilduko direnak baserritarrez jantzita joatea animatu dituzte. Asmoa goiz horretako bideo bat grabatzea delako. Izen ematea whatsapp bidez izan behar du Jabi edo Javierren telefono zenbakietara.

"Buruz, bihotzez, oinez" lelopean ospatuko du igandean aurtengo Nafarroa Oineza Paz de Ziganda ikastolak Atarrabian. Aurtengo abestiaren sortzailearekin egoteko aukera izan dugu gaurkoan, Igor Martinez Aisa. Bera ikasle ohia da, musikaria, musika-idazlea eta kazetaria ere.

Eneko, Iria, Irai, Nayara eta Maitane izan dira aurteko txupinazo txikiaren jaurtitzaileak

Aralar Irratiaren etorkizunari begira, Martinek Jon (Aralar Irratia) eta Irati (Mailope) elkarrizketatu ditu. Baita bide batez esatari berria izango den Jon Urtasun Usoz ezagutzeko aukera izan dugu. Etorkizunean aldizkaria eta irratiaren arteko koordinazioa eta hartu-emana da helburua. Bailarako komunikabideak elkarlanean aritzea dute helburu, haien hitzetan bata bestearekin osatzea.