ARNAS[ETIK], gazteei zuzendutako bideosormen lehiaketaren IV. edizioa, martxan da!

Norentzat
Arnasetik bideosormen lehiaketa euskararen arnasguneak osatzen dituzten udalerrietako gazteei zuzendua da (LH-5etik DBH-4ra). Eusko Jaurlaritzak, Nafarroako Gobernuak eta UEMAk sustatutako ekimena da. Helburua: udalerri euskaldunetako gazteen hizkuntza ohituren inguruan gogoeta piztea, teknologia berrietara eta gazteen komunikazio-hizkuntzara egokituta.

Helburuak

1. Gazteak arnasguneen garrantziaz ohartzea.

2. Arnasguneetako kide izatearen harrotasuna erakustea.

Parte-hartzea

• 10-16 urte bitarteko edozein sortzailek parte har dezake, banaka edo taldeka.

• Aurrez zehaztutako epeak eta irizpideak bete behar dira.

Epeak

• Lanak aurkezteko: irailaren 15etik urriaren 31ra.

• Sari banaketa: azaroak 27.

Kategoriak eta lanen gaia

• A kategoria: LH 5-6 — Atzo eta gaur
  Euskara oso aberatsa da, hainbat euskalki eta esamolde ditu. Belaunaldien artean batzuk galtzen ari dira. Bilatu zuen herriko esamoldeak eta gaur egungo baliokideak; erabili antzeztutako eszena batean.

• B kategoria: DBH 1-2 — Casting-a
  Arnasgune batean sartzeko casting batean zaudete. Zergatik aukeratu behar zaituztegu ia dena euskaraz egiten den herri batean bizitzeko?

• C kategoria: DBH 3-4 — Herrimina
  Herria utzi behar duzue (ikasketak, bizileku aldaketa…). Zer faltan botako duzue eta nola jarraituko duzue euskaraz bizitzen?

Izen-ematea

• Lanak online aurkeztu behar dira: www.arnasagara.eus

• “Parte hartu” galdetegia bete.

• Artxiboak Internetera igo eta esteka gehitu galdetegian (2GB max.).

• Zalantzak: arnasagara@gmail.com

• Onartutako tresnak: WeTransfer, Google Drive, Tori.eus, Nextcloud…

Baldintzak

• Hizkuntza: euskara.

• Iraupena: gehienez 2 minutu.

• Formatua: horizontala edo bertikala.

• Lanak ikasleek egindakoak izan behar dira.

Epaimahaia eta sariak

• Epaimahaia: sustatzaileetako ordezkariek osatua.

• Publikoaren saria: bozketa bidez.

• Aipamen berezia egon daiteke (ordainsaririk gabe).

• Sariak jaialdiaren amaieran banatuko dira.

• Irizpideak: aurreko baldintzak betetzea, euskararen erabilera, sormena, gidoigintza.

Hedapena
Antolakuntzak lanak hedatu ahal izango ditu lehiaketaren helburuak betetzeko. Irabazleen bideoak plataformetan eta ekitaldietan proiektatu ahal izango dira.

Oinarriak

• Parte-hartzeak oinarriak onartzea dakar.

• Lanak Creative Commons lizentziarekin aurkeztu behar dira.

• Musika: lizentzia librekoa edo propio sortutakoa.

• Parte-hartzaileak adin txikikoak direnez, tutoreen baimena ulertutzat emango da.

• Ez dira onartuko irainak, diskriminazioa edo errespetu gabeziak dituzten lanak.

Sustatzaileak
Eusko Jaurlaritza, Nafarroako Gobernua eta UEMA.

Parte hartu
Izen-ematea ez da oraindik ireki: 2025-09-15 00:00:00