Ia aurreikusita zegoena denboran iritsi zen 24. KORRIKA Madotzera, eta, dezente azkarrago joan zirela zirudien arren, aurrez ezarritako ordurako joan zen Atallu aldera, Astitz, Alli, Lekunberri, Lezaeta, Betelu eta Arribetik barrena.
Arratsalde-iluntzeko tarte horretan lekukoa hartu zuten ordezkariek eta atzean zituzten ehunka herritarrek eskualdean euskaraz bizitzearen aldarriak zabaldu zituzten, harro eta ozen, furgonetan zihoan Hodei Buldain eta Haridian Cubilloren animoen erritmora.
Eskualdeko ibilbidea biribiltzeko, Gorritiri omenaldi hunkigarria egin zioten; herritarrek aurresku ederra dantzatzeaz gain, Pirritx eta Porrotxek giroa alaitu zuten, eta Julio Sotok bertso ederrak abestu zituen.
- Argazki gehiago ikusteko: 24. KORRIKA